ខេត្តកណ្តាល ÷ ប្រិយមិត្តជាទីរាប់អាន! ទន្លេ ស្ទឹង បឹងបួរគឺជាសម្បត្តិធនធានធម្មជាតិរបស់ជាតិរបស់រដ្ឋ ប៉ុន្តែនាពេលបច្ចុប្បន្នស្របពេលប្រទេសជាតិកំពុងតែវឹកវរដោយរងការរំលោភបំពានឈ្លានពានពីចោរសៀម បែរជាសម្បត្តិរបស់ជាតិទាំងនោះបាននិងកំពុងក្លាយជាចំណីដ៏ឆ្ងាញ់ពិសារ ពីសំណាក់អ្នកមានលុយ មានឥទ្ធិពលមួយក្តាប់តូចទៅវិញ។ជាក់ស្តែងទីតាំងការដ្ឋានសាងសង់សំណង់រឹងមួយកន្លែងដែលស្ថិតនៅចំណុចស្ពានព្រែកជ្រៃធំ ភូមិជ្រៃធំ សង្កាត់សំពៅពូន ក្រុងសំពៅពូន ខេត្តកណ្តាល ដែលបានសាងសង់ចូលទៅក្នុងដៃទន្លេបាសាក់យ៉ាងរំភើយ ដោយពុំដឹងថាការដ្ឋានសំណង់រឹងខាងលើនេះមានច្បាប់រឺពុំមានច្បាប់នោះទេ។ប៉ុន្តែបើយោងតាមច្បាប់ស្តីពីការគ្រប់គ្រងអាងទន្លេរបស់ក្រសួងធនធានទឹកនិងឧតុនិយម អនុក្រឹត្យ លេខ ៩៨ អនក្រ.បក ចុះថ្ងៃទី ២៤ ខែកក្កដា ឆ្នាំ២០១៥ មាត្រា៨ បានចែងថា ដីចំណីមាត់ច្រាំងនិងឆ្នេនៃតំបន់អាងទន្លេត្រូវកំណត់ចំងាយ ៥០ម៉ែត គិតពីមាត់ច្រាំងទន្លេ និងច្បាប់ស្តីពីសំណង់ អនុក្រឹត្យលេខ ២២៤ អនក្រ.បក ចុះថ្ងៃទី៣០ ខែធ្នូ ឆ្នាំ២០២០ ស្តីពីលិខិតអនុញ្ញាតសាងសង់, មាត្រា៨ សាងសង់ដោយពុំមានលិខិតអនុញ្ញាតសាងសង់ ពីអាជ្ញាធរមានសមត្ថកិច្ច, មាត្រា៣៧ សាងសង់ដោយពុំមានលិខិតអនុញ្ញាតបើកការដ្ឋានសាងសង់ ពីអាជ្ញាធរមានសមត្ថកិច្ច។ដោយឡែក ការដ្ឋានសាងសង់សំណង់រំលោភទៅលើទន្លេនៅចំណុចទីតាំងខាងលើ អាចប្រព្រឹត្តបានទៅយ៉ាងរលូន ដោលពុំដឹងថាមានច្បាប់រឺពុំមានច្បាប់នោះឡើយ។ជុំវិញករណីខាងលើក្រុមការងារមិនអាចទំនាក់ទំនងសុំការបំភ្លឺពីលោក អេង សុវិចិត្រ អភិបាលក្រុងសំពៅពូន បានទេនៅព្រឹកថ្ងៃទី១០ ខែតុលា ឆ្នាំ២០២៥ នេះដោយពុំមានលេខទូរស័ព្ទ។ទោះជាយ៉ាងនេះក្តីមហាជនទទូចស្នើសុំទៅដល់អាជ្ញាធរមន្ត្រីជំនាញពាក់ព័ន្ធលោក អេង សុវិចិត្រ អភិបាលក្រុងសំពៅពូន និងគោរពស្នើសុំដល់ឯកឧត្តម គួច ចំរើន អភិបាលនៃគណៈអភិបាលខេត្តកណ្តាល មេត្តាទានចាត់កម្លាំងក្រោមឱវាទចុះត្រួតពិនិត្យការដ្ឋានសាងសង់សំណង់រឹងដែលបានរំលោភចូលទៅក្នុងទន្លេ នៅចំណុចទីតាំងខាងលើនេះផងទាន! ។អង្គភាពសារព័ត៌មានយើងគ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនានិងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ៕
