ខេត្តក្រចេះ ÷ មិនចេះចប់មិនចេះហើយ! ប្រិយមិត្តជាទីរាប់អាន! រថយន្តកែច្នៃទំងន់៨តោនចំនួន០១គ្រឿង ផ្ទុកពេញដោយឈើជន្លង់ម្រេច (ប្រភេទឈើផ្ចិក)ប្រមាណជាង៤០០ដើម និងឈើមូលប្រមាណជាង៥០ដុំ (ប្រភេទឈើផ្ចឹកលាយសុក្រំ) ដែលគេស្គាល់ថាជារបស់លោក នាង ចំរើន ឈ្មួញឈើដុះស្នឹមប្រចាំស្រុកស្នួល ត្រៀមបើកចេញពីដែនជម្រកសត្វព្រៃកែវសីមា-ក្រចេះ ត្រង់ចំណុចក្រុមហ៊ុនថ្មម៉ាប កាត់តាមភូមិសាមគ្គី ឃុំឃ្សឹម ស្រុកស្នួល ខេត្តក្រចេះ បម្រុងឆ្លងដែនយកទៅលក់នៅប្រទេសវៀតណាម តាមច្រករបៀងផ្សេងៗក្នុងស្រុកស្នួល តែត្រូវបានខកខាន ដោយសារលោកតាន់ គីមសួរ ប្រទះឃើញនៅវេលាម៉ោង១២.៤៣នាទី រំលងអាធ្រាត្រ ថ្ងៃទី១៤ ខែកញ្ញា ឆ្នាំ២០២៥ ក៏បានរាយការណ៍ទៅលោក ភោគ សុជោត នាយដែនជម្រកសត្វព្រៃកែវសីមា-ក្រចេះ ដើម្បីសុំការសហការ ប៉ុន្តែជាអកុសលលោក ភោគ សុជោត បានលើកឡើងថាមន្តី្រលោកតិចគ្មានកម្លាំងដើម្បីធ្វើការនោះឡើយ។ក្រុមការងារដឹកនាំដោយលោក តាន់ គីមសួរ បន្តដេកចាំមើលសកម្មភាពបទល្មើសនោះបន្តរហូតដល់ព្រឹកដោយយកជីវិតមកប្រថុយប្រថានដោយពុំមានសមត្ថកិច្ចចូលរួមនោះឡើយ លុះព្រឹកឡើងម៉ោង៦.៤៣នាទី ថ្ងៃខែឆ្នាំដដែល លោក តាន់ គីមសួរ ក៏បានទំនាក់ទំនងទៅឯកឧត្តម គឺ ប៊ុណ្ណារ៉ា ព្រះរាជអាជ្ញាអយ្យការអមសាលាដំបូងខេត្តក្រចេះ ដើម្បីរាយការណ៍និងសុំកិច្ចសហការ ទប់ស្កាត់និងបង្ក្រាបរថយន្តរបស់ឈ្មួញឈើខាងលើ ប៉ុន្តែរហូតដលម៉ោង១០.៣០នាទី ឃើញមានតែរដ្ឋបាលព្រៃឈើសង្កាត់ស្វាយជ្រះមកចំនួន០២រូប ដោយឡែកជំនាញផ្សេងៗដូចជា កងរាជអាវុធហត្ថ ប៉ូលិសសេដកិច្ច មិនឃើញអើតមុខមកទេ ។នេះសបញ្ជាក់ឲ្យឃើញថាសមត្ថកិច្ចទាំងនោះ ប្រហែលមិនហ៊ាននិងលោក នាង ចំរើន ដែលជាឈ្មួញដ៏ល្បីដែលមានឥទ្ធិពលខ្លាំង បើទោះជាមានបទបញ្ជារពីឯកឧត្តមព្រះរាជអាជ្ញាខេត្តក្រចេះយ៉ាងណាក៏ដោយ ។ ប្រជាពលរដ្ឋថា ពិតជាគួរឲ្យស្ញប់ស្ញែងទៅដល់លោក ភោគ សុជោត នាយដែនជម្រកសត្វកែវសីមា-ក្រចេះខ្លាំងណាស់ និងបានឡើងឡើងពេញៗមាត់ថា ប្រសិនជាគ្មានការបើកដៃទេ បទល្មើសក៏មិនអាចដំណើរការបាននោះដែរ! គិតទៅវេទមន្តទេវប្រាក់ពិតជាខ្លាំង ជាងច្បាប់ទៅទៀតហ្ន៎! ។
