ខេត្តកំពង់ស្ពឺ ÷ ប្រិយមិត្តជាទីរាប់អាន! ធនធានធម្មជាតិដែលជារបស់ជាតិរបស់រដ្ឋ មិនថានៅលើគោក ឬនៅក្នុងទឹកនោះទេ បច្ចុប្បន្ននេះ ធនធានធម្មជាតិទាំងនោះ កំពុងតែរងនូវការបំផ្លិចបំផ្លាញយ៉ាងកំហុក ខណៈឈ្មួញរកស៊ីក្រាក់ៗទាំងនោះកំពុងតែមមាញឹក ក្នុងការប្រកបរបរខុសច្បាប់នេះយ៉ាងកំរោលនិងគំហុកជាទីបំផុត ដោយពុំមានការក្រែងរអាញញើតទៅនឹងច្បាប់ទាល់តែសោះ បើទោះបីជាប្រមុខថ្នាក់ដឹកនាំគ្រប់លំដាប់ថ្នាក់នៅក្នុងប្រទេស លោកបានខិតខំ ប្រឹងប្រែង យកចិត្តទុកដាក់ និងជំរុញឲ្យថ្នាក់ក្រោមជាតិចូលរួមទប់ស្កាត់និងបង្ក្រាបរាល់បទល្មើសទាំងឡាយណាដែលកើតមាននៅក្នុងដែនសមត្ថកិច្ចខ្លួនគ្រប់គ្រងយ៉ាងណាក៏ដោយ ក៏យើងសង្កេតឃើញថា បទល្មើសទាំងនោះនៅតែបន្តកើតមានដដែលៗជារៀងរាល់ថ្ងៃ ដោយពុំមានការថមថយសោះនោះឡើយ។ តួរយ៉ាងបទល្មើសធនធានធម្មជាតិនៅក្នុងស្រុកឱរ៉ាល់ ដែលតែងតែធ្វើសកម្មភាពជារៀងរាល់ថ្ងៃហាក់ពុំមានការទប់ស្កាត់ និងបង្ក្រាបពីសមត្ថកិច្ច មន្ត្រីជំនាញពាក់ព័ន្ធ ពិសេសជំនាញបរិស្ថាន ដែលបានដាក់ស្នាក់ការចាំយាមនៅតំបន់នោះ ធ្វើការបង្ក្រាបម្តងណាឡើយ បើទោះជាដឹកកាត់មុខស្នាក់ការឡើងរូងផ្លូវយ៉ាងណាក៏ដោយ មិនដឹងថាអស់លោកទាំងនោះរវល់ធ្វើអ្វីនោះទេ? ។ប៉ុន្តែដូចពាក្យចាស់លោកពោលថា (ផោមក្នុងទឹកគង់ធំក្លិនស្អុយ ដំរីងាប់មិនអាចយកចង្អេរទៅបាំងជិតនោះឡើយ) ស្រាប់តែកាលពីយប់ថ្ងៃទី០៤ ខែវិច្ឆិកា ឆ្នាំ២០២៥ ម៉ោង០៩:២៧នាទី លោក តាន់ គីមសួរ និងក្រុមការងារបានប្រទះឃើញរថយន្តសាំយុងកែឆ្នៃ ០១គ្រឿង ផ្ទុកពេញដោយឈើឃ្លុំ (រាជកុល)ដែលគេស្គាល់ថាជារបស់លោក កែវ ភារម្យ ឈ្មួញឈើដ៏សកម្ម និងចាស់វស្សា ដុះស្លែរ ដុះស្នឹម បានដឹកឈើចេញពីចំណុចក្រុមហ៊ុនថ្មម៉ាប (ស្ទឹងធំ) ភូមិរលាក់កងជើង កាត់តាមភូមិជាំ ឃុំតាសាល ស្រុកឱរ៉ាល់ ខេត្តកំពង់ស្ពឺ ឆ្ពោះយកទៅលក់ចែកចាយតាមដេប៉ូនានា ក្នុងក្រុងភ្នំពេញ២-៣ កន្លែង និងបន្តដឹកចេញយកទៅក្រៅប្រទេស ។ភ្លាមនោះលោក តាន់ គីមសួរ ក៏បានរាយការណ៍ទៅឯកឧត្តម សុិន វីរ: ព្រះរាជអាជ្ញាអយ្យការអមសាលាដំបូងខេត្តកំពង់ស្ពឺ ដើម្បីសុំកិច្ចសហការ ធ្វើការឃាត់បានរថយន្តដឹកឈើរបស់ឈ្មួញឈ្មោះ កែវ ភារម្យ ដែលកំពុងតែធ្វើចរាចរដឹកចេញពីដែនជម្រកសត្វព្រៃភ្នំឱរ៉ាល់ ភ្លាមៗនោះក្រោមការសម្របសម្រួលពីឯកឧត្តមព្រះរាជអាជ្ញាខេត្តកំពង់ស្ពឺ កម្លាំងជំនាញក៏បានចុះមកធ្វើការឃាត់រថយន្តដឹកឈើខាងលើ យកទៅរក្សាទុកនៅសង្កាត់រដ្ឋបាលព្រៃឈើតាសាល និងកសាងសុំណុំរឿងបញ្ជូនទៅតុលាការចាត់ការ តាមនិតិវិធីច្បាប់។គួររំលឹកផងដែរថា ក្នុងករណីទប់ស្កាត់និងបង្ក្រាបបទល្មើសធនធានធម្មជាតិខាងលើនេះ បើទោះបីជាលោក តាន់ គីមសួរ យុវជនស្រលាញ់ធនធានធម្មជាតិដ៏ឆ្នើមរូបនេះ កំពុងតែកាន់ទុក្ខជាទម្ងន់ខណៈលោកតា របស់លោកទទួលមរណភាពក្នុងថ្ងៃនេះយ៉ាងណាក៏ដោយ ក៏រូបលោកនូវតែឈ្លៀតពេលដើម្បីចូលរួមការពារធម្មជាតិដែលជារបស់ជាតិរបស់រដ្ឋ ជាមួយរាជរដ្ឋាភិបាល ដោយមិនគិតពីផលប្រយោជន៍ផ្ទាល់ខ្លួនឡើយ ធ្វើយ៉ាងណា ដើម្បីជួយការពារសម្បត្តិធនធានធម្មជាតិដែលសេសសល់បន្តិចបន្តួច។បន្ថែមពីនេះលោក តាន់ គីមសួរ សកម្មជនការពារព្រៃឈើដ៏ឆ្នើមរូបនេះ បានបញ្ជាក់ថា លោកនិងក្រុមការងារបានចំណាយពេលអស់ជាង១ឆ្នាំ និងថវិកាផ្ទាល់ខ្លួនជាច្រើន ដើម្បីតាមដានឃ្លាំមើល សកម្មភាពការដឹកជញ្ជូនផលអនុផលព្រៃឈើ របស់ឈ្មួញចាស់វស្សា ឈ្មោះ កែវ ភារម្យ ប្រចាំខេត្តកំពង់ស្ពឺរូបនេះ រហូតមកដល់ថ្ងៃទី ០៤ ខែវិច្ឆិកា ឆ្នាំ២០២៥ ទើបអាចឈានចូលទៅដល់ការទប់ស្កាត់និងបង្ក្រាប រថយន្តខាងលើនេះបាន។ទោះជាយ៉ាងនេះក្តីមហាជននៅក្នុងប្រទេស ពិសេសលោក តាន់ គីមសួរ ទទួចស្នើសុំទៅដល់ ឯកឧត្តម សុិន វីរ: ព្រះរាជអាជ្ញាអយ្យការអមសាលាដំបូងខេត្តកំពង់ស្ពឺ និងគោរពស្នើសុំដល់ឯកឧត្តម ជាម ចាន់សោភ័ណ អភិបាលនៃគណៈអភិបាលខេត្តកំពង់ស្ពឺ មេត្តាទាន ចាត់កម្លាំងក្រោមឱវាទធ្វើអធិការកិច្ច ចំពោះឈ្មួញឈើដុះផ្លែដុះស្នឹម ឈ្មោះ កែវ ភារម្យ ដែលតែងតែធ្វើសកម្មភាពចរាចរណ៍ដឹកជញ្ជូនផលអនុផលព្រៃឈើ ខាងលើនេះ កាត់ការតាមផ្លូវច្បាប់ផងទាន។
